আক্ষেপ

জনাওঁ বুলিয়েই জনাব পৰা হ’লে বিদায়
স্মৃতিৰ বাৰিষাত ক্লান্ত ৰাতিবোৰকেই জনালোহেঁতেন বিদায়
ৰাখো বুলিয়েই ধৰি ৰাখিব পৰা হ’লে সময়
সেমেকাৰ আগতেই পেৰা এটাত থুপাই থলোহেঁতেন ভালপোৱা
সময়ৰ পাখিত ডোখৰ ডোখৰকৈ খহি পৰাৰ ঠিক আগতেই....

পুৰণি কোনো সময়ত সময়ক আমি ধৰি ৰখাৰ কথা আছিল
পুৰণি কোনো মূহুৰ্তত বিদায় জনোৱাৰ কথা আছিল দুখ নামৰ পৰজীৱী এটাক
পিছলিয়া সময়ক খামুচি ৰখাৰ সামৰ্থ্য মোৰ নহ’ল
কি কৰিম !! বিদায় জনোৱাতোছোন দক্ষ হৈ নুঠিলো তোমাৰ দৰে