সুন্দৰতাৰ নাও এখন গৈ আছে উজাই
ফালি ফালি পুণী, বেঙুনীয়া ফুল সিঁচি
গৈ আছে নাওখন উজাই
একৰ পৰা দুই..তিনি...বঠাবোৰত গুৰি ধৰি
হেজাৰ-বিজাৰ বঠাই আজি ঢৌতে কোবায়
বঠাৰ কোবত আগুৱাই যায় আপোন-আপোন গোন্ধ
আৰু মসৃণতাৰে নাওখন আগুৱাই যায়
এজাক, দুজাক....দুই-এজাক বৰষুণ
বৰষুণ ফালি নাও আগুৱাই যায়
হাৰ মনা বৰষুণ, নুডুবা নাও
সুন্দৰতাৰ নাওখন উজায়েই যায়
সমুদ্ৰ মন্থনৰ যেন প্ৰয়াসহে এয়া
কুমলীয়া কলি আৰু পৰিপক্ক ডাল
পূৰ্ণাংগ এডাল অমৃত গছ ওলায়
অমৃত গছৰ বঠাৰে নাও আগুৱাই যায়
সিটো পাৰত বাস কৰে দুপৰ এটি সুৰুজ
পাৰলৈ যদি এতিয়াও বহু বাট
বঠাৰ মুঠিত এতিয়া বহু হাত
‘হামিং বাৰ্ড’ৰ গতি আৰু বহাগী গোন্ধ
পানীৰ পিঠিত বৈ যায় বেঙুনীয়া ঢৌ
সপোন এজাকৰ কলিৰে ধাৱমান সুৰুযমুখী নাও
( ইউনিক'ডত অসমীয়া ভাষাৰ প্ৰচাৰ আৰু উন্নতিৰ অন্যতম গুৰি ধৰোতা ফেকবুকৰ গোট "অসমীয়াত কথা বতৰা"ৰ সাফল্যমণ্ডিত এবছৰ পূৰণ হোৱা উপলক্ষে )
(ই-আলোচনী "সাহিত্য ডট্ অৰ্গ"ত প্ৰকাশিত)
ফালি ফালি পুণী, বেঙুনীয়া ফুল সিঁচি
গৈ আছে নাওখন উজাই
একৰ পৰা দুই..তিনি...বঠাবোৰত গুৰি ধৰি
হেজাৰ-বিজাৰ বঠাই আজি ঢৌতে কোবায়
বঠাৰ কোবত আগুৱাই যায় আপোন-আপোন গোন্ধ
আৰু মসৃণতাৰে নাওখন আগুৱাই যায়
এজাক, দুজাক....দুই-এজাক বৰষুণ
বৰষুণ ফালি নাও আগুৱাই যায়
হাৰ মনা বৰষুণ, নুডুবা নাও
সুন্দৰতাৰ নাওখন উজায়েই যায়
সমুদ্ৰ মন্থনৰ যেন প্ৰয়াসহে এয়া
কুমলীয়া কলি আৰু পৰিপক্ক ডাল
পূৰ্ণাংগ এডাল অমৃত গছ ওলায়
অমৃত গছৰ বঠাৰে নাও আগুৱাই যায়
সিটো পাৰত বাস কৰে দুপৰ এটি সুৰুজ
পাৰলৈ যদি এতিয়াও বহু বাট
বঠাৰ মুঠিত এতিয়া বহু হাত
‘হামিং বাৰ্ড’ৰ গতি আৰু বহাগী গোন্ধ
পানীৰ পিঠিত বৈ যায় বেঙুনীয়া ঢৌ
সপোন এজাকৰ কলিৰে ধাৱমান সুৰুযমুখী নাও
( ইউনিক'ডত অসমীয়া ভাষাৰ প্ৰচাৰ আৰু উন্নতিৰ অন্যতম গুৰি ধৰোতা ফেকবুকৰ গোট "অসমীয়াত কথা বতৰা"ৰ সাফল্যমণ্ডিত এবছৰ পূৰণ হোৱা উপলক্ষে )
(ই-আলোচনী "সাহিত্য ডট্ অৰ্গ"ত প্ৰকাশিত)